गजल

हार्नेहरु हार्दै गरुन्, म जित्ने तयारीमा छु ।
शत्रुहरुले जहर छरुन्, म जित्ने तयारीमा छु ।।


चाकड़ी र चाप्लुसे छ, संस्कार अचेल भरी ।
निउँरिदै तलै परुन्, म जित्ने तयारीमा छु ।।


आफ्नै दुनो सोझ्याउन, लिप्त भए सबैजना ।
आफ्नै तुम्बो भरुन्, म जित्ने तयारीमा छु ।।


दुःख पिडा अनि आँशु, झेल्न यहाँ नसकेर ।
हुतिहारा सबै मरुन्, म जित्ने तयारीमा छु ।।


सफलताको उकालो त्यो, उक्लनलाई गाह्रो हुँदा ।
कमजोर जति तल झरुन्, म जित्ने तयारीमा छु ।।